“સુરત ક્રાઇમ બ્રાન્ચનો ડ્રગ્સ માફિયા પર ઘાતક પ્રહાર : કરોડોની એમ.ડી. જપ્ત”….

*ક્રાઇમ બ્રાન્ચની બાજ નજર*

સુરત શહેરમાં નશાના જાળાને પગપેસારો કરવાની કોશિશો વારંવાર થતી રહી છે, પરંતુ આ શહેરની ક્રાઇમ બ્રાન્ચ હંમેશા એવા તસ્કરો માટે કડક દીવાલ સાબિત થઈ છે. તાજેતરમાં હાથ ધરાયેલી કાર્યવાહીએ ફરી સાબિત કરી દીધું છે કે “NO DRUGS IN SURAT CITY” માત્ર એક અભિયાન નહીં પરંતુ સુરત પોલીસની અડગ પ્રતિજ્ઞા છે.માહિતી આધારે સુરત ક્રાઇમ બ્રાન્ચે શહેરના ઉમરવાડા વિસ્તારમાં ગોઠવાયેલા જાળમાં મહારાષ્ટ્રના જલગાંવ જિલ્લાના રહેવાસી અકમલ ઉર્ફે છોલીયા સોનારને રંગેહાથ પકડી પાડ્યો.

તેની પાસે પરથી ૧૮૮.૯૫ ગ્રામ એમ.ડી. ડ્રગ્સ (કિંમત રૂ. ૧૮,૬૮,૫૦૦/-), રોકડા રૂ. ૩,૪૨૦/-, તથા ત્રણ મોબાઇલ ફોન મળી કુલ રૂ. ૨૦,૦૩,૯૨૦/-નો મુદ્દામાલ જપ્ત થયો છે.

*કબ્જે કરાયેલ મુદ્દામાલ*

૧૮૮.૯૫ ગ્રામ એમ.ડી. ડ્રગ્સ (રૂ. ૧૮,૬૮,૫૦૦/-), રોકડા રૂ. ૩,૪૨૦/-, ત્રણ મોબાઇલ ફોન (રૂ. ૧૫,૦૦૦/-), જલગાંવ–સુરત રેલવે ટિકિટ તથા લાઇવબિલ મળી કુલ રૂ. ૨૦,૦૩,૯૨૦/-નો મુદ્દામાલ છે, જે સુરત શહેરમાં અત્યાર સુધીની સૌથી મોટી ઝડપી કાર્યવાહીમાંથી એક ગણાય છે.

*નશા માફિયાને ચેતવણી*

આ કાર્યવાહી પોલીસ કમિશનર સુરત શહેર, તેમજ જે.સી.પી. ક્રાઇમ અને ડી.સી.પી. ક્રાઇમના માર્ગદર્શન હેઠળ હાથ ધરાઈ હતી. આરોપી જલગાંવથી ટ્રેન મારફતે સુરત આવી પહોંચ્યો હતો અને પોતાના ટ્રક ડ્રાઇવિંગના વ્યવસાયની આડમાં શહેરમાં એમ.ડી. ડ્રગ્સ વેચાણ કરવાનો પ્રયાસ કરી રહ્યો હતો. પરંતુ ક્રાઇમ બ્રાન્ચની તીક્ષ્ણ નજરે તેને પકડી પાડતા તેની તમામ ચાલાકી નિષ્ફળ થઈ ગઈ. એન.ડી.પી.એસ. કાયદા હેઠળ આરોપી સામે ગુનો દાખલ કરવામાં આવ્યો છે અને આગળની તપાસમાં વધુ નેટવર્ક બહાર આવે તેવી શક્યતા છે.

*શહેરને સંદેશ*

સુરત ક્રાઇમ બ્રાન્ચની આ કાર્યવાહીએ ફરીથી શહેરની જનતામાં વિશ્વાસ જગાવ્યો છે કે સુરત નશામુક્ત શહેર બનાવવા માટે પોલીસે કડક પ્રતિબદ્ધતા સાથે મોરચો ખોલ્યો છે. શહેરના નાગરિકો પણ આ અભિયાન સાથે જોડાઈ પોલીસને સહકાર આપે તો સુરતને નશાના આફતમાંથી સંપૂર્ણ મુક્ત કરવું અશક્ય નથી. આજની આ કાર્યવાહી માત્ર એક આરોપીને પકડવાની ઘટના નથી, પરંતુ નશા માફિયાના સપના ચકનાચૂર કરવા માટેનો પ્રચંડ પ્રહાર છે.

🔹 આ ઘટના આપણને એક મોટો પાઠ આપે છે. યુવાનો માટે જરૂરી છે કે તેઓ નશાના ઝેરી ભવરથી પોતાને દૂર રાખે અને પોતાના સપના, સંસ્કાર અને સમાજ માટે જીવંત ઉદાહરણ બને. નશો જીવનને બરબાદ કરે છે, જ્યારે સંસ્કાર, મહેનત અને સકારાત્મક વિચારો જીવનને સફળતા તરફ લઈ જાય છે.

જર્નલિસ્ટ:- યોગેશભાઈ દેવરે